💥भीषण अपघातात 5 जण ठार,, नागपूर-धुळे राष्ट्रीय महामार्गावर मलकापूरच्या रणथम जवळ इकोचा अपघात,,,

💥भीषण अपघातात 5 जण ठार,,
नागपूर-धुळे राष्ट्रीय महामार्गावर मलकापूरच्या रणथम जवळ इकोचा अपघात,,,

बुलडाणा – 18 सप्टेंबर, मिरर न्युज नेटवर्क

भुसावळहुन मलकापूरच्या दिशेने जात असलेली इको कार ने एका मोठ्या ट्रेलरला मागून धडक दिल्यानंतर यात चार जणांचा जागीच तर एकाचा उपचारादरम्यान दुर्दैवी मृत्यू झाल्याची घटना रात्री 12 वाजेच्या सुमारास नागपूर – धुळे राष्ट्रीय महामार्गावर मलकापूर तालुक्यातील रणथम जवळ घडली आहे.
बुलडाणा जिल्ह्यातील दसरखेड पोलीस ठाणे हद्दीत घडलेल्या या अपघातातील इको कारचालक साजिद अजीज बागबान वय 30 वर्ष राहणार भुसावळ आपल्या वाहनात काही प्रवाशांना घेऊन मलकापूरच्या दिशेने रात्रीच्या सुमारास जात असताना रणथम येथील हॉटेल एकता जवळ अपघात घडला.ही घटना समजतात हॉटेलमधील लोकांनी पोलिसांना माहिती देत अपघाटस्थळी धाव घेऊन जखमींना मदत केली तसेच पोलिसांनी उपचारासाठी जखमींना मलकापूर येथील ग्रामीण रुग्णालयात पाठविले. या अपघातात कार चालकासह 4 जणांचा जागीच मृत्यू झाला होता तर एकाचा उपचारादरम्यान मृत्यु झाला आहे.मृतका मध्ये 3 महिलां असून त्यांची ओळख पटलेली नाही. इको कारणे ट्रेलरला मागून धडक दिल्यानंतर ट्रेलर चालक थांबला नाही तो निघून गेला होता.मृतक कारचालक साजिद बागबान याने आपले वाहन निष्काळजीपणे चालवुन स्वतःचा व कार मधील इतरांच्या मृत्यूस कारणीभूत ठरल्यामुळे त्याच्याविरुद्ध दसरखेड पोलीस ठाण्यात गुन्हा दाखल करण्यात आला आहे.