💥ब्रेKing💥 विद्युत टॉवरवरून तरुणाने मारली उडी,घटनास्थळीच झालं मृत्यू

विद्युत टॉवरवरून तरुणाने मारली उडी,घटनास्थळीच झालं मृत्यू

बुलडाणा – 18 जुलै, मिरर न्युज नेटवर्क

शहरातील शाम नगर भागात राहणाऱ्या एका 29 वर्षीय तरुणाने विद्युतच्या टॉवरवरून उडी मारून आत्महत्या केल्याची घटना आज 18 जुलै रोजी सकाळी 6 वाजेच्या सुमारास उघडकीस आली आहे. या घटनेमुळे परिसरात एकच खळबळ उडाली असून पोलिसांनी घटनेचा पंचनामा केला. मृतक तरुण एका सेवानिवृत्त पोलीस अधिकाऱ्याचा मुलगा असल्याची माहिती समोर आली आहे.
या बाबत प्राप्त माहिती अशी की,बुलडाणा शहरातील शाम नगर येथील रहिवासी मृतक धीरज बबनराव सनगाळे वय 29 वर्ष हा आज सकाळी 5 वाजेच्या सुमारास घरातून बाहेर गेला होता.परिसरात असलेल्या 132 केव्ही विद्युत लाईनच्या मोठ्या टॉवर खाली एक जण पडलेला काहींना दिसून आला.लोकांनी जाऊन बघितले असता धीरज सनगाळे हा तरूण असल्याचे समोर आले.त्याला तात्काळ जिल्हा सामान्य रुग्णालयात आणले असता डॉक्टरने त्याला मृत घोषित केले.माहिती मिळताच शहर ठाणेदार संग्राम पाटील यांनी घटनास्थळी जाऊन पाहणी केली.टॉवर वरून उडी मारून धीरजने आत्महत्या केल्याचं प्राथमिक अंदाज व्यक्त केला जात आहे.या प्रकरणी बुलडाणा शहर ठाण्यात आकस्मिक मृत्यूची नोंद घेण्यात आली असून पुढील तपास एपीआय मल्लिकार्जुन वाघमोडे करीत आहे.