*💥🔴राजकीय Bरेकिंग🔴💥* महाविकास आघाडी सोबत राहणे हे आमचं धर्म,माजी आ.हर्षवर्धन सपकाळ यांची तलवार म्यान

*💥🔴राजकीय Bरेकिंग🔴💥*

महाविकास आघाडी सोबत राहणे हे आमचं धर्म,माजी आ.हर्षवर्धन सपकाळ यांची तलवार म्यान

बुलडाणा – 3 एप्रिल

बुलडाणा लोकसभेची जागा काँग्रेसला सोडावी अशी जोरदार मागणी माजी आमदार हर्षवर्धन सपकाळ यांच्या समर्थकांनी काँग्रेसच्या वरिष्ठ नेत्यापर्यंत केली होती परंतु ही जागा शिवसेना उबाठाकडे गेली आणि प्रा.नरेंद्र खेडेकर यांना उमेदवारी घोषित करण्यात आली. यानंतर माजी आमदार हर्षवर्धन सपकाळ यांनी समाज माध्यमावर एक पोस्ट व्हायरल केली त्यात त्यांनी “मैत्रीपूर्ण लढत”चा सूचक इशारा दिला होता. त्यामुळे महाविकास आघाडीला हर्षवर्धन सपकाळ यांच्याकडून घरचा आहेर मिळतो की काय असा प्रश्न उपस्थित झाला होता.आज 3 एप्रिल रोजी बुलढाणा येथील गर्दे सभागृहात माजी आ.हर्षवर्धन सपकाळ यांच्यासाठी पदाधिकारी व कार्यकर्ता मेळावा आयोजित करण्यात आला होता.यात प्रामुख्याने काँग्रेस जिल्हाध्यक्ष राहुल बोंद्रे उपस्थित होते.अगोदरच वरिष्ठ नेत्यांनी माजी आमदार हर्षवर्धन सपकाळ यांची मनधरणी केली होती. या कार्यक्रमात महाविकास आघाडीचे उमेदवार प्रा. नरेंद्र खेडेकर,आ.धीरज लिंगाडे,शिवसेना उबाठा जिल्हाप्रमुख जालिंदर बुधवत उपस्थित होते. मैत्रीपूर्ण लढत करण्याची माझी इच्छा होती परंतु आता आपण महाविकास आघाडी सोबत असल्याची माहिती माजी आमदार हर्षवर्धन सपकाळ यांनी दिली आहे.